Një prej metodave më efikase për të arritur klimë të përshatshme në hapësirat e brendshme të një objekti dhe të kursehet energjia është termoizolimi. Ndërtesa me izolim të dobët humb energji nëpërmjet mbështjellësit. Pjesa më e madhe e kësaj energjie humb nëpërmjet çatisë. Kjo përqindje mund të arrijë deri 30-35%. Konstruksioni i çatisë është më së shumti i ekspozuar ndaj ndikimeve atmosferike, ndaj është e domosdoshme të ndërmerren masa, si izolim cilësor i çatisë, mbyllje hermetike të sistemit të izolimit dhe mbrojtje të çatisë nga shiu, bora dhe dielli…
Kur flasim për termoizolimin, më së shpeshti mendojmë për materialin termoizolues, funksioni i të cilit është të mbrojë ndërtesën nga ndryshimet e jashtme të temperaturës dhe të mirëmbahet temperaturë e qëndrueshme në pjesën e saj të brendshme. Për ta quajtur një material termoizolues, ai duhet doemos të ketë koeficient të ulët të përshkueshmërisë së nxehtësisë, që shënohet me shkronjën greke λ (lambda). Lambda e materialit për izolim është gjithmonë më e vogël se 1 W / mK, dhe sa më e vogël që është kjo vlerë aq termoizolues më i mirë është ai material.
Në përzgjedhjen e materialit termoizolues, për një objekt konkret, ndikojnë pothuaj faktorët e njëjtë sikur edhe për çdo material tjetër ndërtimor: kushtet lokale makro dhe mikro klimatike, popullariteti i produktit dhe traditat e ndërtimtarisë, kërkesat specifike dhe çmimi. Ndonëse askush s’është i kënaqur kur çmimi është faktori që e dikton përzgjedhjen, megjithatë gjatë përzgjedhjes së termoizolimit shumica e klientëve kryesisht vendosin në bazë të çmimit.
Megjithatë nuk duhet harruar se sot izolimi nuk e kryen më vetëm funksionin primar – të mbrojë nga të ftohtit ose nga të nxehtit. Përkundër, njerëzit duhet të jenë të vetëdijshëm se termoizolimi plotëson edhe disa kërkesa plotësuese:
Përshkueshmëri të avullit – me qëllim që dhomat “të frymojnë”, pra që lagështia prej dhomave mund të dalë pa u penguar jashtë ndërtesës.
Mbrojtje kundër zjarrit – të mbrojë nga zjarri, ndërsa në rast se shpërthen ndonjë zjarr, të parandalohet përhapja e tij. *
Qëndrueshmëri – të qëndrojë derisa të ekzistojë ajo ndërtesë
Izolim të zhurmës – të mbrojë nga zhurma e goditjeve ose të ajrit
Përkrah të gjitha karakteristikave të lartpërmendura të materialit temoizolues duhet të jetë rezistues ndaj lagështisë, kimikateve dhe insekteve.
* Më së miri është që termoizolimi, sa i përket reaksionit ndaj zjarrit, të jetë i klasës A1, pra të jetë material që nuk digjet, si për shembull pambuk mineral guror dhe qelqor.
Pambuk mineral guror është material termoizolues me prejardhje minerare, që përfitohet me shkrirje, në temperatura të larta, të shkëmbinjve vullkanikë – dolomiti, diabazi dhe bazalti.
“Lava” e shkrirë që përfitohet me teknologji të posaçme pastaj ftohet dhe gjatë këtij procesi krijohen fibra, të cilave me ndihmë të materies lidhëse inovative ECOSE® Technology iu jepet forma e pllakave izoluese.
Pambuk mineral qelqor është material termoizolues me prejardhje minerare dhe me përmbajtje të lartë të lëndëve të para që riciklohen, që përfitohet me shkrirje të rërës dhe qelqit të ricikluar.
“Lava” e shkrirë që përfitohet me teknologji të posaçme pastaj ftohet dhe gjatë këtij procesi krijohen fibra, të cilave me ndihmë të materies lidhëse novative ECOSE® Technology iu jepet forma rrotullave dhe pllakave izoluese.
Knauf Insulation është një lider në ndërtimin e çative të gjelbra, duke kombinuar teknologji të përparuara dhe materiale inovative për të krijuar zgjidhje që janë jo vetëm efikase dhe të qëndrueshme, por edhe miqësore për mjedisin. Në këtë artikull, do të shqyrtojmë disa nga teknologjitë dhe materialet kryesore që përdoren në ndërtimin e këtyre çative.
23.08.2024
Ndërsa qytetet vazhdojnë të rriten dhe të urbanizohen, mjedisi urban përballet me sfida të shumta, nga ndotja e ajrit dhe temperaturat e larta deri te përmbytjet dhe reduktimi i biodiversitetit. Një zgjidhje inovative dhe e qëndrueshme për këto sfida është instalimi i çative të gjelbra. Këto çati, të mbuluara me bimësi dhe shtresa të posaçme të tokës, ofrojnë një sërë përfitimesh për qytetet dhe banorët e tyre. Këtu po rendisim disa prej përfitimeve të çative të gjelbra për mjediset urbane:
23.08.2024
Kemi kënaqësinë të njoftojmë nisjen e "Udhëtimit të Qëndrueshmërisë: Pikat kryesore të 2023".
Ky raport tregon arritjet tona të strategjisë së qëndrueshmërisë duke u fokusuar në sigurinë, angazhimin e punonjësve, dekarbonizimin dhe ekonominë rrethore. Gjithashtu thekson se si iniciativat tona të kërkimit, burimeve dhe rinovimit të vitit 2023 po e vendosin efikasitetin e energjisë në zemër të ndërtesave më të mira
07.02.2024